Cnai, Lanbide Heziketaren Plangintza eta Integrazioko Zerbitzuak hala aginduta, zerbitzu hau ematen ari da: “Nafarroako Foru Komunitateko hezkuntza-sare publikoko Lanbide Heziketako ikastetxeen esparruan enplegurako ziurta daitezkeen prestakuntza-ekintzak kontrolatu, ebaluatu eta jarraitzeko plana, eta diru-laguntzak, profesionaltasun-ziurtagiriak lortzeari lotutako prestakuntza-ekintzak gauzatzeko, ikastetxe pribatu eta kontzertatuetarako presentziazko modalitatean”
Profesionaltasun-ziurtagiriak
Deskribapena
Horri dagokionez, jarraipen- eta kontrol-jarduera hauek egiten ditu CNAIk:
- Jarduketak “denbora errealean”. Prestakuntza ematen den tokian eta hori egiten den bitartean, horren jarraipena egiten du, prestakuntzako arduradunei, ikasleei eta hezitzaileei egindako elkarrizketen bidez bildutako ebidentzia fisikoen eta lekukotzen bidez. Horren bidez, prestakuntza gauzatzeari buruzko egiaztapen teknikoa egin nahi da, baita ekintzaren edukiak, parte-hartzaileen benetako kopurua, instalazioak eta baliabide pedagogikoak ere. Horrez gain, ekintzak Nafarroako Gobernuaren argitalpenetan eta bestelako komunikabideetan gauzatzen direla egiaztatu nahi da.
- “Ex post” jarduketak: Prestakuntza-ekintzak burutu ondoren egiten dira, erakunde onuradunei, prestakuntzako arduradunei, ikasleei eta/edo hezitzaileei egindako elkarrizketen bidez jasotako ebidentzia fisikoen , lekukotzen eta dokumentalen bidez, besteak beste, honako alderdi hauei buruzko egiaztapen teknikoa egiteko:
- Prestakuntza-ekintzak gauzatzea
- Parte-hartzaileen benetako kopurua
- Parte-hartzaileei diploma edo prestakuntza-ziurtagiria ematea eta Nafarroako Gobernuaren logotipoa identifikatzea.
